【第1192期 樓市壹些事】
窮人恩物 最平複式
香港嘅樓價係咁升，打工仔，搵幾多都買唔到樓，想上公屋又有排都排唔到。
運輸及房屋局副局長邱誠武就話，「劏房有存在價值」，仲話：「有啲劏房都幾四正。」
現時，劏房唔再只係棺材房，板間房，愈來愈五花八門，好似呢間位於觀塘雲漢街嘅地鋪，被業主打造成「三複式」，有齊廚廁，睡房，仲有雜物房，隨屋附送冷氣機。實用面積有百幾呎，分分鐘實用過恆基九龍城新盤曉薈，月租只係三千蚊﹗呢個係咪大家口中嘅窮人恩物？
不過，租客陳太話，呢度附近係車房，好雜；夜晚又嘈到訓唔到。肥嘟嘟嘅陳太晚晚仲同老公屈係二呎半嘅木板床，轉個身，大啲動作分分鐘有危險。
邱誠武，你願唔願去試住下呢個全港最平嘅「三複式」，感受下佢有幾「四正」呀？
網上版：http://hk.next.nextmedia.com/template/next/art_main.php…
Search